Robbie Burns on the Clearances tonight
tony at cultureshop.org.uk
Wed Jan 25 19:36:30 GMT 2012
The tone of this poem is clear. Beelzebub writes to congratulate the
lords responsible for their evictions against the audacity of the
What right have they 'To meat, or sleep, or light o'day/ far less to
riches, pow'r, or freedom/ But what your lordships PLEASE TO GIE THEM?'
Address Of Beelzebub
Long life, my Lord, an' health be yours,
Unskaithed by hunger'd Highland boors;
Lord grant me nae duddie, desperate beggar,
Wi' dirk, claymore, and rusty trigger,
May twin auld Scotland o' a life
She likes - as lambkins like a knife.
Faith you and Applecross were right
To keep the Highland hounds in sight:
I doubt na! they wad bid nae better,
Than let them ance out owre the water,
Then up among thae lakes and seas,
They'll mak what rules and laws they please:
Some daring Hancocke, or a Franklin,
May set their Highland bluid a-ranklin;
Some Washington again may head them,
Or some Montgomery, fearless, lead them,
Till God knows what may be effected
When by such heads and hearts directed,
Poor dunghill sons of dirt and mire
May to Patrician rights aspire!
Nae sage North now, nor sager Sackville,
To watch and premier o'er the pack vile,
An' whare will ye get Howes and Clintons
To bring them to a right repentance
To cowe the rebel generation,
An' save the honour o' the nation?
They, an' be damn'd! what right hae they
To meat, or sleep, or light o' day?
Far less - to riches, pow'r, or freedom,
But what your lordship likes to gie them?
But hear, my lord! Glengarry, hear!
Your hand's owre light on them, I fear;
Your factors, grieves, trustees, and bailies,
I canna say but they do gaylies;
They lay aside a' tender mercies,
An' tirl the hallions to the birses;
Yet while they're only poind't and herriet,
They'll keep their stubborn Highland spirit:
But smash them! crash them a' to spails,
An' rot the dyvors i' the jails!
The young dogs, swinge them to the labour;
Let wark an' hunger mak them sober!
The hizzies, if they're aughtlins fawsont,
Let them in Drury-lane be lesson'd!
An' if the wives an' dirty brats
Come thiggin at your doors an' yetts,
Flaffin wi' duds, an' grey wi' beas',
Frightin away your deuks an' geese;
Get out a horsewhip or a jowler,
The langest thong, the fiercest growler,
An' gar the tatter'd gypsies pack
Wi' a' their bastards on their back!
Go on, my Lord! I lang to meet you,
An' in my house at hame to greet you;
Wi' common lords ye shanna mingle,
The benmost neuk beside the ingle,
At my right han' assigned your seat,
'Tween Herod's hip an' Polycrate:
Or if you on your station tarrow,
Between Almagro and Pizarro,
A seat, I'm sure ye're well deservin't;
An' till ye come - your humble servant,
1st June, Anno Mundi 5790.
+44 (0)7786 952037
"Capitalism is institutionalised bribery."
"The maintenance of secrets acts like a psychic poison which
alienates the possessor from the community" Carl Jung
Fear not therefore: for there is nothing covered that shall not be
revealed; and nothing hid that shall not be made known. What I tell
you in darkness, that speak ye in the light and what ye hear in the
ear, that preach ye upon the housetops. Matthew 10:26-27
Die Pride and Envie; Flesh, take the poor's advice.
Covetousnesse be gon: Come, Truth and Love arise.
Patience take the Crown; throw Anger out of dores:
Cast out Hypocrisie and Lust, which follows whores:
Then England sit in rest; Thy sorrows will have end;
Thy Sons will live in peace, and each will be a friend.
-------------- next part --------------
An HTML attachment was scrubbed...
More information about the Diggers350